෴ දිනක රන් සළු පළඳා ෴

~ Dinaka ran salu palada ~

දිනක රන් සළු පලදා
සඳ නැගි මේලාවෙන්
පැමිණ ඔබ ගෙන යමි කුමරිය
පෙම් දෝලාවෙන්... //

ඇසුරු කළ කම්පන හා සැනසිලි පස මිතුරු
ගෙවුනු යෞවන විය තනි නොතනියෙ උන් අයුරු
නැවත නොලිහෙන ලෙස රැහැනින් බැඳලා පවුරු
සතුට ගෙන දිය හැකි ඔබ හැර ඇතිදෝ කවුරු

දිනක රන් සළු පලදා...

වියලි මහ වැලි කාන්තාර පසු කරවා
පවස සංසිඳවන ලෙස දිය උල්පත් හරවා
පරව ගිලිහෙන තුරු සියොලග කළු සළු පොරවා
ඔබය දිය යුතු හිස්වන විට දිවි විත පුරවා

දිනක රන් සළු පලදා...

.
ගායනය - මිල්ටන් මල්ලවආරච්චි